ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಕರ್ನಾಟಕದ ಯಶೋಗಾಥೆ

ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಕರ್ನಾಟಕದ ವತಿಯಿಂದ ಯಾದಗಿರಿ ಜಿಲ್ಲಾ ಸಂಘದ ಸಹಯೋಗದಲ್ಲಿ ಕಲ್ಯಾಣ ಕರ್ನಾಟಕದ ಎರಡನೇ ಜಂಬೊರೇಟು ಕಾರ್ಯಕ್ರಮವನ್ನು 2025ರ ಜನವರಿ 17 ರಿಂದ 21ರ ವರೆಗೆ ಯಾದಗಿರಿ ಜಿಲ್ಲೆಯ ಚಿತ್ತಾಪುರ ರಸ್ತೆಯಲ್ಲಿರುವ ಜಿಲ್ಲಾ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗಿತ್ತು.

ಯಾದಗಿರಿ ಜಿಲ್ಲಾ ಉಸ್ತುವಾರಿ ಸಚಿವರು ಹಾಗೂ ಶಾಸಕರಾದ ಶ್ರೀ ಶರಣಬಸಪ್ಪಗೌಡ ದರ್ಶನಾಪುರ ಅವರು ಜಂಬೊರೇಟು ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ರಾಜ್ಯ ಮುಖ್ಯ ಆಯುಕ್ತರಾದ ಶ್ರೀ ಪಿ.ಜಿ.ಆರ್. ಸಿಂಧಿಯಾ ಅವರು ಜಂಬೊರೇಟು ಹ್ಯಾಂಡ್‌ಬುಕ್ ಅನ್ನು ಬಿಡುಗಡೆ ಮಾಡಿದರು.

ಈ ಜಂಬೊರೇಟಿನಲ್ಲಿ ಅನೇಕ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಸಾಹಸಿಕ ಚಟುವಟಿಕೆಗಳು, ಮನರಂಜನಾ ಆಟಗಳು, ವೀಕ್ಷಣಾ ಪ್ರವಾಸ, ಪ್ರಶ್ನೋತ್ತರ ಸ್ಪರ್ಧೆಗಳು, ಅಧಿವೇಶನಗಳು ಮತ್ತು ಜಾಗತಿಕ ಅಭಿವೃದ್ಧಿ ಹಳ್ಳಿಯು (GDV) ಆಯೋಜಿಸಲಾಗಿತ್ತು — ಈ GDV ಯು WOSM ಮತ್ತು WAGGGS ನ ಉದ್ದೇಶಗಳಾದ SDGಗಳು, ಸಂವಾದ, ಸ್ಕೌಟ್ ಗೋ ಸೊಲಾರ್, ಮೆಸೆಂಜರ್ ಆಫ್ ಪೀಸ್, ಫ್ರೀ ಬಿಂಗ್ ಮೀ, ಸರ್ಫ್ ಸ್ಮಾರ್ಟ್ ಮತ್ತು YLACC ಮೊದಲಾದ ಉದ್ದೇಶಗಳನ್ನು ಒಳಗೊಂಡಿತ್ತು.

ಈ ಜಂಬೊರೇಟಿನಲ್ಲಿ ಬಳ್ಳಾರಿ, ಬೀದರ್, ಕಲಬುರಗಿ, ಕೊಪ್ಪಳ, ರಾಯಚೂರು, ವಿಜಯನಗರ ಮತ್ತು ಯಾದಗಿರಿ ಜಿಲ್ಲೆಗಳಿಂದ 3000 ಸ್ಕೌಟ್ಸ್, ಗೈಡ್ಸ್, ರೋವರ್ಸ್, ರೇಂಜರ್ಸ್ ಮತ್ತು ಘಟಕ ಮುಖಂಡರು ಭಾಗವಹಿಸಿದ್ದರು.